بستان الناس -

رغم القوة
الواضحة فى جسمه
و ووجاهة
شكلة و أسمه
النسر جبان
متعته إنه
يعيش عالقفا
و النسر برده
ليه فلسفة
ليه اتعب
و غيرى تعب ؟
هو الواحد
غاوى تعب ؟
و النتيجة واحدة
هى الشبع
و الحكمة ايه ؟
تقولوا جدع ؟
خلاص اتحلت
انا مش جدع
ثم ايه الموضوع
الداير
عن انى لجماليل
ناكر
و ان الصقر
ياما اكلنى
و انا مش شاكر
و انه مات
ياعينى مالجوع
و انا ولا فاكر
كل جمايله
طيب
حاضر
تعالوا نحكى
فى الموضوع
كانه جديد
لو مش هاكل
هايبطل صيد ؟
لو انا شبعان
مش هايصيد
لو قلت انا تشكر
هايسيبب صيدته ؟
قلتله مش واكل
ياكل غير طاقته ؟
غير ما هو واخد
منى الاجر
ياما قدام الخلق رسمته
و هريته فى شكر
و هو مزقطط
هايفرقع فخر
و لما شاخ
تفتكروا انا سبته ؟
يا اما روحتله
و كلمته
و دعيته لاكلى
و فهمته
ان بواقى الخلق
ارزاق
بعتهلنا المولى
الرزاق
زغرلى بعينه
قمت سكت
عايزنى اصطادله !
عمرى اصدت ؟
ولا هاصطاد
انا باحتاط
و رغم المبدأ
الواضح فى كلام
النسر العايش
فى سلام
ان الذل مقابله
طعام
بيموت فى فاشوش
و بإيه ؟ خرطوش
صياد احول
فاكره حمام
* * * * * *
الطفل غريب
فى طباعه عجيب
يحمل كل نقيض
و نقيضه
فى نفس الصدر
يفيض بالخير
و مليان شر
فيه حب الكون
و طبع الغدر
فى لحظة يخون
و يكتم سر
تقرب منه
يجرى كانه
حلم و مر
تبعد عنه
يبكى كأنك
كل العمر
برئ و كأنه
عمره ما ضر
عنيه مليانة
لؤم و مكر
عنيد و عنده
صلابة الصخر
و لما تعانده
ينفذ أمر
ليه الطفل
سريع يتغير ؟
متعته ان عنيك
تتحير
فى المخلوق
الياما صغير
و بحيرتك دى
هايخد منك
حتى عنيك
و تكون فاهمه
انت بيديك
يموت
لو حس
ان كشفته
إن كسرت
اللعبة بتاعته
انك عارف
ليه و ازاى
على فين راح
من فين جاى
اصبح مفهوم
لا و كمان
مفهومة شطارته
انك بتعوم
مش غرقان
فى بحر مهارته
الطفل ان حس
ان فهمته
ساعتها يا صاحبى
انت قتلته
* * * * * *
الفلاح مابيعرفش
يكون بطال
عايش بس
عشان شغال
شيال أحمال
بمتعة ثرى
رجل أعمال
بنهم النصب
فى الدجال
بشهوة لص
قروض رحال
هذا الزارع
كل الخير
عمره ما كان
يملك قشاية
دايما زارع
ارض الغير
الدهشة منين ؟
اجرته مش غاية
لو مجانا
يعرق برده
يشقى و عارف
دى ماهيش ارضه
همه خفايف
اذا كان عرقه
يخضر زرع
تشوفه عنيه
و شقوق ماليه
كف ايديه
فى نظره إجابة
ليه موجود
و الاجر اللى
بيحلم بيه
-ان جاز يعنى نسميه اجر –
وعود
ان الشمس هاتفضل تتطلع
و انه كمخلوق يفضل يزرع
و ان ماحدش ابدا يقلع
عود كان زارعه دراعه
و ان الزرع
ماهوش أيوة بتاعه
لكنه ضناه
و بينسب ليه
الفلاح
بيموت من ايه ؟
يموت
لو كتفت ايديه
و قعدته
و اكدت عليه
مش راح يتعب
تانى خلاص
عرقه
مش هايغطى الراس
و اديته سرير
و اخدت الفاس
و تسيبه يرتاح
مات الفلاح

» بستان الناس -
» بستان الناس
» بستان المعرفة
» «¨`.¸.*.مع بعض الناس .*. ¸.¨`»
» الناس