بستان الناس -

بنى ادم نشال افراح

مايلقى عنده رواجا

شعور يجعله مرتاح

ان فيه بنى ادم حالا

حزين على شئ

كان ملكه و راح

و اللص لا يلقى بالا

لالم الجرح

إن صابه جراح

متعة تحزين الاخر

عنده جماح

يلهيه عن اى شعور

شئ واحد يجعله مذعور

حارس فى عينه النور

شئ يجعل يومه مرير

شئ مش محتاج تفكير

راح يجرى

حتى و لو الحارس جاهله

تضحك

يقول من صغرى

الحال الكائن حالى

اتعلمت

ما للناس

ممكن يصبح

ما لى

كل شئ فى العالم

ممكن

غير ان ماحدش

يحزن

اذا حزن الغير

فرحك تالى

اذا كان إمتاعك

تمنه الحالى

موت العالم

مين قال غالى ! ؟

و ده مش عيب

انا مش عنصر

إحزان متفرد

كل العالم

هنا متمرد

انا بس انانى ؟

مش ممكن

مين بيحب التانى

يكون احسن ؟

تقول انا ؟

كداب

تقتله لو امكن

مبدأ بنى ادم

الكون مخلوق علشانى

الحارس بنى ادم

برده انانى

متعته انه

فى يوم يلقانى

دايب غرقان

فى هموم

احزانى

اللص المنكر

فكره

مريض بيعانى

بيموت من فرح

الاخر

سعادة غيره

مقابر

و ان كان لص شديد

قوى قادر

يتحمل حتى الإخر

شادد على نفسه

خالص

بيعاند المه

القارص

بيموت على إيد

الحارس


* * * * * *

الحارس مخلوق

عسكر

و العسكر فى

الدنيا نوعين

نوع صفا قلبه

اتعكر

و نوع النور

فى عينين

و الجوز روحهم

فى اللص

النوع ابو قلب

يحس

و النور فى عينيه

بيعس

عليه و مناه

لو يعتر فيه

لو يوم يلقاه

متعته مش ان

اللص يموت

متعته الناس

فى الليل بتفوت

فى ضلمة صعب

انها تنداس

بلا خوف علشان

فيه حراس

متعته هو

هذا الاحساس

و وجود اللص

للمتعة اساس

اما النوع ابو قلب

بلا دم

مالوش مالقلب

سوى اسم

فده نوع نص

و نص

نص اسم و منظر

حارس

و نص من الداخل

لص

تشوفه تقول

ما شاء الله

فارس

و يبتسملك بصفاء

مش ممكن

و كأنه بيقول

اطمن

كل مكان من بيتك

أأمن

يا صلاة النبى

احسن

خد بالك

بقى يا حنين

اللص

فجيبك متمكن

و انت ملهى فى

حسن العسكر

و باخلاقه العالية

بتسكر

متعته ساعة

ما بيقسم

ويا اللص الغلة

متعته تعلى

و تعلى

لما يشوفك

شايفه و عارف

انما متلجم

خايف

مرعوب تتكلم

ساعتها ايده

فى ايدين اللص

يمشى ليه

بيسلم

مفاتيح بيتى و بيتك

و إحنا بنتألم

يتقاسموا

دمى و دمك

أسمى و اسمك

أملى و املك

لحمى و لحمك

حلمنا لو

نحلم

النوع الطيب بيموت

لو مات اللص

و النوع النص

و نص

لا يموت

غير بس

لو احنا نفوق

و نحس

لو ننطق

و نقول اللأ

و نشد منه

الحق

فى اذلال

المخاليق اكتر

سرقتنا فى زى

العسكر


* * * * * *

الكون بستان

و احنا المخاليق

يفرقنا كتير

يجمعنا شيئين

شئ منهم

فالصو

و شئ بحقيق

الفالصو ده متعة

بنعيش علشانها

و التانى الموت

يجى على فجاة

جمعنا الله

فى كتاب

و فى سنة

لكن فرقنا

إبليس بالمتعة

و المتعة حلال

انما يا عيال

ابليس دجال

حلالنا المتعة

و خلانا

نعبد متعنا

عبادة

على بعد المتعة

رمانا

و ايدينا

ماسكة السجادة

يا نزحف للمتعة

جنان

يا نسجد و تجيلنا

يا سادة

اسجد لله

المولى تعالى

بينادى عليك

يا عبدى تعالى

لازوقك

و اروقك

و ادوقك

حبى ليك

لاعافيك

من كل ما بيك

بس تحل الفزورة

المحلولة

الدنيا السهلة

الممهولة

لحد بس

يوم ما تعود

و بقية الخلق

سجود

الله اكبر

من عشق

متعة

لله نشهد

و الخلق

سامعة

الله اكبر

منك يا دنيا

الله احلى

من متعة

فانية

الله اكرم

منى عليا

الله أنفع

منى إليا

الله اعذب

من متعة

ضايعة

الله ابقى

و الجنة

راجعة

الله اكبر

الله اكبر

لا اله الا الله

لا اله الا الله

لا اله الا الله