انا بجد مش عارفة اقول ايه بس الف مبرووووووووووووووووك فوز المنتخب المصري وعقبال السودااااان ياااااااااااااااااااارب
عايزة اقول لكم انو يوم الماتش الناس كانت كلها بتدعي واعلام مصر كانت بترفرف في كل مكان في مصر فلا يوجد شارع الا وبه العلم بجد كان حاجة رووعة
وبعد الفوز الناس طلعت في الشوارع وكان فعلا احلى مشهد شفت في حياتي لما المصريين كلهم فرحوا في نفس الوقت حتى الي ملهوش في الكورة فرح
اقول لكم على موقف مضحك
مس العربي بتاعتي كانت بتتفرج على الماتش وهيا ملهاش في الكورة خالص
فبتقول لنا تاني يوم ان هيا قعدت تشجع في فرققة وقبل الماتش ما يخلص بشوية اكتشفت ان هيا كانت بتشجع الجزاير ههههههه
دي كانت النقطة المتعلقة بالمنتخب المصري
عايزة اتكلم عن الي بيحصل في البلدين بجد يا جماعة ميصحش الي بيحصل ده لما بجي الجزائريين يحاصروا المصريين في الجزاير ولما يتهمونا بالخيانة ووصلت لدرجة ان بعض الجزائريون هادهم الله جابوا علم مصر وشالوا النسر وحصوا بداله نجمة اسرائيل بجد عيييييييب يعني احنا عرب ومسلمين مش صهاينة
في نفس الوقت لو جينا على الجانب المصري
هنلاقي ان في حاجات كتير المصريين عملوها ميصحش تتعمل زي الشتايم وردود الفعل المبالغ فيها بجد عيب يا جماعة
وانا بدعو كل مصري واقول له كفاية لحد احنا والجزائريين طول عمرنا اخوة ولو قعدت احكي من هنا لبكرة الصبح عن التعاون والوحدة والخدمات الي قدمها كلا البلدين لبعض ايام الحرب الي بجد مش هيكفي ولا عشر مواضيع
يعني زي ما بيقولوا بالبلدي كبر ونض ومصر طول عمرها كبيرة والمصريين شعب عظيم ورائع فياريت متخلوش ماتش كورة يعمل فينا كده
وللجزائريين كفاكم سبا فينا
وانا اتقدم باعتذار لكل جزائري عما بدر من اي مصري
فلنعد لوحدتنا
بالله عليكم كيف سنحرر الاقصى اذا كان ماتش كورة عمل فينا كده
انا طولت اوي بس اتمنى يكون كلامي وصل
واعتذر على التطويل
علفكرة دي اول مرة اكتب موضوع من اكتر من شهر تقريبا
موضوع: مبرووووووك لكل مصري 
الإثنين 16 نوفمبر 2009 - 19:06
