سبعين مليون

[size=25]

[b]سبعين مليون

واحد صاع ......واحد جاع
صبحوا اتنين
والإتنين صبحم ألفين
والألفين صبحم مليون
اجمع واضرب
واحسب واكتب
صبحوا يا ناس سبعين مليون
شبعوا وجاعوا
صحيوا وناموا
شرقت شمس......راح الأمس
جاء اليوم..........غربت شمس
جمعوا و طرحوا
وضربوا وقسموا
حصلت قسمه
من غير لزمه
دولا إخوان ودولا عدوان
ودولا بركان صوته رنان
والإخوان والعدوان
بينهم حرب
حصلت عاركه
كان فيها ضرب
راحوا القسم
طخ طخ بم
خرجوا حبايب خرجوا قرايب
صبحوا تحالف صبحوا مصايب
والبركان ابو صوت رنان
فجر نفسه لماية بركان
خلى عاليها تحت واطيها
شعلل نارها وولع فيها
حالف ينسف كل ما كان
صحراً كان أو بستان
والإخوان والعدوان حَلفوا يَمين
يبقى نهاره أسوَد م الطين
قالوا كلام و عملوا عمايل
جابوا عفريت اسمه شناكل
حابس كابس طالع نازل
يحفر حفره ويبنى مشاكل
والبركان
ناره بتغلى وصوته بيعلى
والحدوته
حتبدأ تبقى أحلى وأحلى
والعفريت بقى عفاريت
جوا العشه وجوا البيت
حطوا بخور فوق الفحمه
صبحت نار تشوى اللحمه
والعفاريت
صبحت تتنطط تنطيط
وهُبا فى نطة فشر طرزان
صبحوا يا ناس جوا البركان
حطوا النار فوق النار
نورها يخلى الضلمه نهار
والبركان وصلت ناره
لحد السطح
وقبل ما يطلع أول نور
من شمس الصبح
الإخوان والعدوان
لفوا بسرعة ورا البركان
كتموا الصوت
بأكفان موت
والبركان فضلت ناره
تهدا وتهدا
لحد ما فات عليها الصبح
ومر وعدى

والبركان بقى نسيان
بعد ما كانت سيرته
حكاية فى كل مكان
وبعد شهور.........
الإخوان والعدوان
فى ليلة اجتمعوا
وع الترابيزة
قوام اترصوا
والإخوان بدأوا كلامهم
جينا نقول لينا مطالب
جينا نقول ان احنا بقينا
الصوت الغالب
والعدوان رد عليهم
طب بالراحه خلاص نتحاسب
احنا زمان
خلصناكم م البركان
واحنا زمان
خلينا الناس تهتف ليكم
وكأنكوا أشجع فرسان
والإخوان ردوا عليهم
كَانَ وكَانَ......انسوا زمان
انسوا الماضى .... احنا الآن
والعدوان سكتم خالص وماردوش
والإخوان علوا فى صوتهم وماسكتوش
وعم شناكل قاعد ياكل
فى فراخ بلدى
سايح فيها السمن البلدى
جالوا مرسال
احضر فى الحال
ومن غير انشا وكتر كلام
العدوان قاله يالا بسرعه يالا قوام
عايزين خطة فظيعة مريعة
حاجة تخوف حاجة شنيعة
عايزين درس وعبرة وحكمة
للى اتغروا من غير لزمة
والعفريت رسم الخطة
حطة يا بطة يا فلفل شطة
الإخوة معانا فى تانى محطة
والعفريت راح يتخفى
ودخل الشلة
وبعد يومين جاب أخبار
فيها أسرار
عن فوران فى البركان
تانى بركان؟
اه بركان
اصل يا ناس كل شوية
يفور بركان
والعدوان بالصوت والصورة
فضح اللعبة وكشف القصة
وفى كل مكان صبحت منشورة
وصحيوا الناس يا ناس الصبح
لقيوا ساطور ودم ودبح
ومشانق عالية وصوت اتبح
ومحدش عارف مين الصح
وناس بتسقف وناس بتصوت
وناس بتكبر وناس بتعيط
والإخوان بقوا نسيان
وكله حيرجع زى ما كان
من تانى ح نرفع علم العدوان
والضحكة ح ترجع تبقى جنان
والصبح يا ناس
كله رجع يشوف التلفاز
وان شاالله تولع بكرة بجاز
ماهو جبا الصلب نخ خلاص
وصحينا الصبح
لقينا بدال الصلب قزاز
والسبعين مليون يا اخوانا
واقفين يتفرجوا ع السيما
ولاحد يصرخ ويقول بم
ولا سيما اونطة هاتوا فلوسنا
ولاحد يقول خلص الفيلم.[/b][/size]

raw3a

شكرا على المرور صديقتى