يا بلاد

google_protectAndRun("ads_core.google_render_ad", google_handleError, google_render_ad);

يا بلاد

يا بلاد

يا غاوية الأنتخة

و الرحرحة

و الرخرخة

شلت قطيفة

مفخخة

سجود لبلاد

الفخفخة

و انا مش ساجد

لكن صامت

انا متنيل فيكى

و ساكت

باحلم بكرة

هايكون قومى

و بأقول يمكن

يصبح يومى

و لحد مايجى

اليوم يا تاريخ

انا باتفرج

عالأناتيخ

رامين كروشهم

على كراسيهم

فاردين قلوعهم

على ناس ليهم

خافضين جناحهم

إذا بيجيهم

مندوب موجه

من أعاديهم

و انا لو باضحك

ماهو من خيبتى

مش من فكرى

ولا فلسفتى

بس الحيلة ضعيفة

يا خال

و الصورة مخيفة

صدق من قال

شر البلا

لو هايضحك

فلما تشوفنى

عمال باضحك

اوعى تقول

ده كان مبسوط

لو ماضحكتش

اطق هاموت

يا خال جوايا

الغيظ مكبوت

انا مارد صح

إنما مسخوط

الناس صابرة

بتصبر موت

فلو راح انادى

لسانى يدلل

مين يسمعنى

فى حالة موت

اما لو اكتب

يبقى باهبل

فيه جعان

يشتهى مخطوط ؟؟

و انا مش ناوى

يا سيدى اتبهدل

حكمة حلى

الحالى سكوت

بخصوص المارد

الكائن جوايا

ماتخافش عليه

ابدا يا ابويا

ما انت عارفه

وسيلة و غاية

عفريت متعرفت

بركان موقوت

و لو ساجنينه

فى بطن الحوت

ابن الإيه

مش عارف ازاى

بيقرطسهم

و الاقيه جاى

فانا عارف

بإذن الله

فى ميعادى

معاه هالقاه

هالقانى يعنى

صاحى بأقوم

صحوة ماكانش

قبلها نوم

كان مرار
إنتظار

كنت بازوم

كنت بأعد

العدة بخبث

بدون ماحد

بيا يحس

حافظ السكة

و عارف الخطة

و كنت اقولها

كانها نكتة

يضحكوا و اضحك

و ان قوى ساخر

و انت قلتلى

اللى بيضحك

يضحك اخر

و ادينى مستنى

لما الاخر

جزااااااااااك الله خيرااا اختي

شكرا على المرور صديقتى

» هزة تهز بلاد شام
» بلاد العرب أوطاني
» جمال بلاد بروناي
» اختار من الحرف اسم حيوان جماد نبات بلاد