يا مفتونة بصدق الوعد
يامسكونة بحلم الغد
انا خيرّتك
بين الشهد
وبين البن الفطرة
وانت اخترتي سواد البن
وطعم القهوة البكرة


وين حتلقي الموية الناقعة
يوم نصطاد في الموية العكرة؟؟
أنا بديك موانع الصاقعة
إنت أديني الموت السترة ..


أنا خيرتك
وانت اخترتي
واقف جنبك لو إحترتي
بايع نفسي وشاريك
دافنك فيني مواريك
وأصلك مني أتاريك



لو تعرفي يوم شاهدتك
من روحي بتدخلي في نفسي
باريتك خلسة وغازلتك
سمعتك وما سامع همسي
كضبت عيوني وصدقتك
غيبت إحساسك في حسي



وناديتك :

يا مطمنة في قلبي الخوف
بتونسي روحي وبتحجي
بتّرجعي لعيوني الشوف
اتلومي دائما واحتجي
مشتاقلك جدا وملهوف
واقف في دربك مترجي
وحجيجك بي قلبي يطوف
جواي بتعتمري وبتحجي ..



وأنا جيتك
مكسور الخاطر
جيتك مجرووووح
ولقيتك مفضوح الصمت
الفي عيونك بالبوح ..
__________________